Xa temos a “nova” páxina en funcionamento, cando entredes vaivos dar un aviso de seguridade, tedes que aceptar e listo:
https://www.oruralquerexente.net
A partir de agora vanse a publicar no novo enderezo as novas, encontros, inscricións,…tamén puxemos en marcha uns foros para seguir traballando na nosa ansiada rede no tempo entre encontros. Apertas e vémonos alí.
|
|||||||||||||||||||||||||||||||||||||||||||||||||||||||
CONTIDOS: Polo momento esta confirmado todo isto, ainda que hai espazo par que se vaian incorporando máis actividades:
ASAMBLEAS
No primeiro momento cómpre organizar os grupos e quendas de traballo (cociña, limpeza etc) nunha primeira asamblea organizativa. Pódense presentar as distintas actividades programadas e incorporar as que xurdan no último momento.
A primeira noite a xente de Saumede contaranos en qué consiste a súa iniciativa.
Nas asambleas sucesivas de ORQX a idea é facer unha posta en común das actividades que tiveran lugar ó longo do día e a presentación das propostas de actuación que saian de cada unha delas, que se someterán a debate. Ademáis intentaremos que as asambleas sirvan para seguir avanzando na construción e a dinamización da Rede.
RESISTENCIAS E ALTERNATIVAS AO HETERO PATRIARCADO
Espazo para a expresión de diferentes ópticas que poidan existir sobre esta temática. A consecuencia debería ser unha toma de conciencia que permita abordar cambios, tanto a nivel de actitudes persoais como a nivel de accións sociais. Parécenos interesante abordar este tema contextualizándoo nas particulares condicións que se dan no medio rural neste país.
Máximo 35 persoas.
Á PROCURA DOUTRAS RELACIÓNS ECONOMICAS
Espazo para a reflexión e a elaboración de propostas entre a xente que participa ou ten interese nas diversas iniciativas que estan a traballar neste senso: mercados agroecoloxicos, sellos participativos, redes de troco e moedas sociais, etc.
AS OUTRAS ESCOLAS
Espazo para o encontro e a posta en común entre xentes que participan ou están por acercarse a estas iniciativas.
AGROECOLOXIA NOS MONTES VECIÑAIS
Dende sempre o monte foi fonte de recursos cos que cubrir as necesidades das comunidades humanas (vivenda, alimentos, calor…). Hoxe as comunidades veciñais de monte en man común son as propietarias do 30% do monte galego e de forma asamblearia xestionan o seu aproveitamento, e existen moitas iniciativas que se basean nos referentes agroecoloxicos na súa xestión.
TRATADO DE LIBRE COMERCIO USA-EU (T.T.I.P.)
Moitos dos males que sufre noso rural teñen a súa orixe nos grandes intereses das grades compañías transnacionais que, dende os grades centros de poder, se alimentan do expolio dos recursos e a explotación das xentes da periferia (rural, barrios, sur…). Dende o poder político están a poñerlles a alfombra vermella co tratado que negocian de costas a nós.
OBRADOIRO DE HORTA
OBRADOIRO DE PANADERÍA
Faremos empanadas, pizzas e cousas ricas.
OBRADOIROS DE BIOCONSTRUCIÓN.
A maiores de aprender técnicas, axudamos a restaurar Saumede. Grupos de aprox. 8 persoas.
CONSTRUCIÓN DE BAÑO SECO PORTATIL
Na mesma liña que o anterior.
AFIADO DE MOTOSERRAS E MACHADAS
Quen queira que traia a ferramenta.
MALABARES, DANZAS,XOGOS,… Para cambiar o mundo
TEATRO, MÚSICA E CULTURA REVOLUCIONARIA
– Para desenvolver este programa contamos cos espazos xa habilitados polas compas de Saumede máis os que prepare a avazadiña que chegue antes. Xa sabedes, quen poida que non o dubide.
– Os cartos veñen das inscricións, da cantina e do pucho máxico. No asunto das comidas repetimos esquema e contamos coas achegas de todas.
– É importante que as persoas que teñan pensado asistir se inscriban para facer máis doada a organización. A única referencia que temos sobre o número posible de participantes é a listaxe de inscricións.
Aquí tedes o programa, provisional, das vindeiras IV Xornadas Rurais de O Rural Quere Xente (ORQX)
Para facer a inscrición encher o siguinte formulario:
https://xornadasrurais.wordpress.com/inscricion-iv-xornadas-orqx-saumede/
Para os vindeiros 13-15 marzo imos a facer as III Xornadas Rurais en Paraños Pontevedra. Animádevos a participar, en breve colgaremos o programa. Para facer a inscrición:
https://xornadasrurais.wordpress.com/inscripcion/
Aquí o programa das próximas II Xornadas rurais que celebraremos en Ernes do 3 ata o 6 de Xulio. Engadiremos horarios e información das actividades nos vindeiros días.
PROGRAMA:
11.30 h => Obradoiro de horta sostíble de baixo mantemento. O custe por participar na actividade será de 5 €.
14.30 h => Xantar de convivio. Cadaquén traerá o seu para compartir.
17.00 h => Recollida de plantas para preparar auga purificadora con que lavarse ó día seguinte.
19.00 h => Inicio dos preparativos do Solsticio.
Para a sardiñada , magníficas sardiñas do xeito de Cambados, poñeremos unha aportación solidaria de 6€.
Para participar é conveniente que avisedes con antelación para mellorar a organización desta xornada. Para facelo poñédevos en contacto con Pepe, con Marcial ou a través do email.
Fonte: http://eiradaxoana.blogaliza.org/
Dende a Cova da terra mandanos esta guia:
Xa subimos á web a guía de recursos de emprendemento rural sustentable para que todas e todos poidades facer uso dela de balde. Foi o material que entregamos a cada unha das persoas participantes nos obradoiros que fixemos ao longo deste ano. Agardamos que desfrutedes del e que vos sexa de axuda.
Lembrade que no Centro de Recursos Kandaharia tedes un exemplar físico que podedes consultar no propio local ou levalo en préstamo.
Podedes descargala premendo na lapela que tedes á marxe esquerda: Documentos – Cova da Terra – Como facermos un rural xusto e ecolóxico. Tamén, premendo directamente aquí.
Fonte: http://www.covadaterra.org
* Sentimos a baixa resolución do pdf. Se estás interesad@ nun formato de calidade superior, escribe a educacioncovadaterra@yahoo.es e intentaremos facercha chegar.
II Xornadas Rurais… o agro quere xente, desta volta en Negueira de Muñiz
Hai uns pocos meses celebramos en Ramil, Agolada, un encontro que supuxo para moitos e moitas d@s que participamos do mesmo un novo ponto de partida na nosa ansia de conquerir un agro galego vivo e con futuro, algo que por momentos e desde a soidade e individualidade das nosas casas e proxectos parecía tornarse imposíbel. Agora cremos que imposíbel non é, ainda dentro da dificuldade que supón. Esas primeiras xornadas serviron e boa maneira para elaborar unha primeira diagnose do noso rural e dos atrancos e complicacións que supon establecer novos proxectos ou mesmo continuar coa atividade que comezaran as nosas familias.
Esa primeira iniciativa deixou aos e ás participantes coa necesidade de seguir aqueles debates, e mesmo acrescentalos… incorporar novas cuestión, desenvolver algún obradoiro, voltar a sentir a compañía e a comprensión de persoas que como nós loitan cada dia contra un sistema que nos afoga mestras premia aos expoliadores do territorio. Asi contemplamos como mandatarios locais aplauden coas orellas cando unha empresa, responsábel do afundimento das granxas de cabrun de leite do estado, aterra na Ulloa aproveitando a inminente desaparición das cuotas leiteiras para dar unha nova volta de porca á delicada situación do setor leiteiro nunha comarca que volta ver aos seus fillos e fillas coller o camiño da emigración.
Non moi lonxe de ali, as escavadoras desfán montes e pasteiros para dar paso a un campo de golf, onde uns/unhas pouc@s pasarán as tardes vareando unha pelota de plástico, mentras @s veciñ@s amosan a súa ledícia agora que vacas e tratores deixan paso a Audis e Mercedes… e asi poderiamos seguir durante horas percorrendo a Galiza de ponta a ponta e atopando cenarios similares, e sen esquecer a ameza mineira que segue sobrevoando sobre nós.
Este é o País que nos están a deixar…. Se lles deixamos.
A resposta témola nós. E Negueira de Muñiz será o marco dese novo encontró. Unha pequeña illa de liberdade que leva 40 anos amosando que o rural pode ser doutra maneira. Que as atividades tradicionais son presente e teñen futuro. Que pode haber nenos e nenas que nazan na nosa terra sen levar unha maleta debaixo do brazo.
Estas novas xornadas precisan da colaboración de todos e todas nós. A túa participación empeza desde o momente que te preinscribas para as mesmas. Podes facelo desde xá no correio xornadasrurais@inventati.org. Até o dia 3 de xuño poderanse facer suxestións para o programa das mesmas. Ademais recibiredes a información necesaria para participar (como chegar, materiais e utensilios que terías que levar,…) O encontró celebrarase os días 3, 4, 5 e 6 de xullo. Se precisas mais información non duvides en contactar con nós no correio xornadasrurais@inventati.org. E se queres participar mais activamente na rede e na preparación das xornadas podes subscribirte a lista de corre-e mandando a un correo-e a: oruralquerexente@inventati.org
Estamos agardando por ti. O noso rural agarda por ti.
Eiquí van unhas liñas sobre a miña experiencia vivida nas primeiras xornadas celebradas en Ramil os derradeiros días de febreiro. En día e medio de convivo xuntouse nesta pequena aldea un grupiño singular de xente con moitas ganas de compartir e intercambiar pensamentos sobre o rural deste país. Moitos proxectos buliron no ambiente e tralos relatorios de experiencias xurdían debates e conversas do máis interesante.
Sen referencias previas e case sen coñecer a xente que ía falar, é sinxelo atopar puntos comúns e de vista que un ten no diario de xeito individual. Algo que compartir con persoas tan diversas que nunca pensarías atopar. O certo é que moita xente hai en movemento xa, sorprendeume a cantidade de proxectos postos a andar. Algúns con moita experiencia, tradicionais xa do que hoxe alcumamos neorrural e que a xente de Ernes i arredores leva facendo dende hai unha pila de anos, outros como Xixirín, comezaron hai pouco, en relativa comparanza claro, mais fornecedoras de ideas e ambiente positivo que axuda a facer máis sinxelo o camiño. I entre medias persoas que procuran grupo, grupos que procuran aldeas i aldeas que procuran persoas. Un crebacabezas que debemos recompoñer.
Tres meses pasaron dende a xuntanza no que o meu proxecto botou a andar. Doume de conta que non foi o intre no que puxen os pés na aldea cando comezara esta feliz loucura, moito antes xa, só as circunstancias levaron os meus pasos ata a Eira da Xoana e a partires de entón digo que vivo no rural, mais pensando en rural dende hai tempo xa. Ese é outro conto. Como comezar?
Do que logo veu: a creación de rede a través da plataforma virtual e a preparación do vindeiro convivo na aldea de Ernes, un suspiro, eche algo que estamos a tecer entre o grupo de participantes nas anteriores xornadas e as persoas que desexan ser parte dende entón… Verémonos aló?
xornadas rurais 